Cydweithio i sicrhau bod pob plentyn yng Nghymru yn ffynnu

Mae Academy21 wedi ennill cydnabyddiaeth am ei ymrwymiad i ddarparu addysg o’r safon uchaf ac am y prosesau sicrhau ansawdd cadarn sydd wrth wraidd ei gwaith. Fel y ddarpariaeth amgen ar-lein gyntaf i gael ei hachredu gan Adran Addysg Llywodraeth y DU yn Lloegr, mae Academy21 wedi sefydlu enw da am ragoriaeth ac arloesedd ym maes addysg.

Yng Nghymru, mae’r un ymrwymiad i ansawdd yn sail i’n holl ddarpariaeth. Mae ein rhaglenni wedi’u cynllunio i gefnogi blaenoriaethau addysgol Cymru ac i gyd-fynd â fframweithiau a disgwyliadau arolygu perthnasol. O ganlyniad, gall ysgolion ac awdurdodau lleol fod yn hyderus eu bod yn darparu profiadau dysgu effeithiol sy’n helpu dysgwyr i gyflawni canlyniadau cadarnhaol.

Mae ein hathrawon arbenigol yn cyflwyno pob gwers yn fyw, gan roi cyfleoedd i ddysgwyr gymryd rhan weithredol, gofyn cwestiynau a derbyn adborth ar unwaith. Mae recordiadau o wersi ar gael i gefnogi’r rhai sydd angen ailymweld â chynnwys neu atgyfnerthu eu dysgu, gan gynnig mwy o hyblygrwydd a chefnogaeth i ddiwallu anghenion unigol.

Mae ein tîm yn cynnwys athrawon arbenigol cymwys a phrofiadol, gyda chefnogaeth arweinwyr addysg profiadol sy’n darparu arweiniad a chefnogaeth barhaus. Mae pob aelod o staff yn cymryd rhan mewn rhaglen ddatblygiad proffesiynol gynhwysfawr sy’n sicrhau bod eu harferion addysgu yn gyfredol, yn effeithiol ac yn canolbwyntio ar anghenion dysgwyr.

Mae hyn yn cynnwys hyfforddiant mewn dulliau sy’n ystyriol o drawma, addysgu o ansawdd uchel i bob dysgwr, diogelu cynhwysfawr gan gynnwys diogelu cyd-destunol, a dulliau perthynol sy’n helpu i feithrin hyder, llesiant ac ymgysylltiad cadarnhaol â dysgu.

Mae diogelwch a llesiant dysgwyr wrth wraidd popeth a wnawn. Rydym wedi sefydlu trefniadau diogelu cadarn i sicrhau bod pob dysgwr yn cael ei gefnogi mewn amgylchedd dysgu diogel, cefnogol a chynhwysol.

Mae ein dull yn cynnwys gwiriadau DBS manwl i bob aelod o staff, addysg ddiogelwch ar-lein, systemau monitro a hidlo effeithiol, a thîm profiadol o Arweinwyr Diogelu Dynodedig sy’n darparu arweiniad a chefnogaeth arbenigol.

Yn ogystal, mae pob aelod o’n staff addysgu a chymorth yng Nghymru wedi’i gofrestru gyda Chyngor y Gweithlu Addysg (CGA), gan roi sicrwydd i ysgolion, awdurdodau lleol a theuluoedd bod y safonau uchaf o broffesiynoldeb, atebolrwydd a diogelwch yn cael eu cynnal.

Rydym yn sicrhau dechrau cadarnhaol a threfnus i ddysgwyr a phartneriaid fel ei gilydd. Mae ein sesiynau cynefino rheolaidd i ddysgwyr yn eu helpu i ymgyfarwyddo â’r amgylchedd dysgu, meithrin hyder a setlo’n gyflym i’w rhaglen.

Ar yr un pryd, mae ein tîm gwasanaethau cwsmeriaid yn gweithio’n agos gydag ysgolion ac awdurdodau lleol i ddarparu cefnogaeth barhaus, rhannu arferion gorau a sicrhau eu bod yn cael y gwerth mwyaf o’n darpariaeth.

O’r cychwyn cyntaf, rydym yn gweithio gyda dysgwyr, ysgolion a mentoriaid i sefydlu disgwyliadau clir ar gyfer presenoldeb ac ymgysylltiad. Caiff cynnydd ei fonitro’n barhaus, gan roi darlun clir o gyfranogiad a datblygiad pob dysgwr.

Ar ôl pob gwers, mae athrawon yn cofnodi gwybodaeth am ymdrech, dealltwriaeth ac ymgysylltiad y dysgwr, ynghyd â data presenoldeb. Mae’r wybodaeth hon ar gael mewn amser real drwy’r Porth Mentor, gan alluogi ysgolion a mentoriaid i gadw golwg agos ar gynnydd.

Mae adroddiadau presenoldeb rheolaidd ac adroddiadau academaidd tymhorol yn darparu mewnwelediad gwerthfawr i berfformiad dysgwyr ac yn helpu i lywio trafodaethau am dargedau, cymorth a chamau nesaf. Drwy fonitro cyson a chydweithio agos, rydym yn cefnogi gwell ymgysylltiad, cynnydd academaidd ac ailintegreiddio llwyddiannus i addysg.